Të shumta kanë qenë rastet kur këngëtarët shqiptarë janë akuzuar se kanë vjedhur këngë nga artistë të tjerë.
Së fundmi dhe këngëtari Genc Prelvukaj ka akuzuar kolegë të tij përmes një postimi në rrjetet sociale, ku shkruan se në studio shkojnë njerëz, të cilët e incizojnë fshehurazi dhe i vjedhin punën.
Artisti shprehet se ndonëse nxitojnë t’i publikojnë para tij, i realizojnë shumë dobët. “Në studio tek ne, shpesh vijnë disa njerëz, na afrohen fshehtas te dera, na incizojnë punën, dmth i vjedhin idetë, motivohen, marrin shembull, pastaj kthehen e i realizojnë në studiot e tyre ato që i dëgjojnë.
Gjithsesi nxitojnë për ti nxjerrë para nesh. Mua s’më vjen keq, sepse me këtë punë tregojnë sa të mëdhenj e të pashtershëm jemi ne, e sa të harxhuar janë ata. E vetmja gjë që më vjen keq është që i realizojnë tmerrësisht dobët”, ka shkruar ai./Bl.Ba/Fjala.al
