Me 40.5 milion ndjekës, skuadra e Juventus gjeneron para dhe imazh inovativ në rrjetet sociale dhe në Instagram është marka italiane më e ndjekur. “Zonja e Vjetër” tejkaloi edhe gjigantin e modës, Gucci. Askush në botë nuk ka rrobaqepësit apo makinat italiane. Disa blejnë luks, disa duan ushqimin e famshëm të Apenineve, apo dizajnin, megjithatë sot përsosmëria nr. 1 italiane është “vetëm” një ekip futbolli. Instagram e thotë këtë…
Parakalimi i fundit i Juventus është një “viktimë”jo shumë e parëndësishme si firma Gucci. Sot ajo ka 40.3 milion ndjekës, ndërsa Zonja e Vjetër ka “kërcyer” në 40.5, si asnjë markë tjetër italiane.
“Është një evolucion dixhital 10-vjeçar, i kaluar përmes ndryshimit të logos në 2017 – thotë Giorgio Ricci, drejtuesi i zonës tregtare të klubit. (fjala.al). “Ne kemi ripozicionuar markën tonë në një hapësirë me më shumë territore të reja si arti, moda, modelimi, mënyra e jetesës ”. Po, sepse te Juve topi është qendra e gravitetit të një sistemi kompleks që “flet” përmes shoqërisë në shumë gjuhë. Kompania është rritur në madhësi, ka zgjeruar horizontin. Sigurisht mbetet një ekip futbolli, por është gjithashtu një kompani e artikuluar që përpiqet të interpretojë realitetin” thotë Ricci.
“Boom” në Instagram është pasojë e këtij ndryshimi të mentalitetit, por buron kryesisht nga “diamanti” i zbarkuar dy vjet më parë. (fjala.al). Cristiano Ronaldo është makina më e fuqishme sociale që njeriu ka parë ndonjëherë. Me 227 milion ndjekës, ai është larg të gjithëve. Më 10 korrik 2018, ditën kur ai vishej për herë të parë bardhezi, ishte agimi i një bote të re për Juven, dhe fitimet nuk vonuan.
