Një banesë është përfshirë nga flakët mbrëmjen e djeshme në Kavajë, por ajo çfarë e bën më të rëndë ngjarjen është se pronari i saj është nxjerrë pa ndjenja nga banesa.
Ai kishte hyrë brenda saj për të tentuar shuarjen e zjarrit, por për shkak të tymit ka pasur probleme me frymëmarrjen dhe ka humbur ndjenjat. Fatmirësisht ai është nxjerrë nga shërbimet zjarrfikëse duke shmangur më të keqen.
Banesa e përfshirë nga zjarri mësohet se ndodhej në katin e dytë të një pallati 5 katësh në lagjen nr.5 në Kavajë.
Ende nuk dihen shkaqet e zjarr-rënies, ndërkohe që mësohet se në banesë ndodhej vetëm kryefamiljari.
Forcat zjarrfikëse kanë bërë të mundur shuarjen e flakëve duke shmangur përhapjen e zjarrit në të gjithë pallatin.
/En.Br./Fjala.al
