Një 19-vjeçar është arrestuar nga policia e Elbasanit, pasi ka thyer masën e sigurisë “arrest shtëpie” , ndërsa dyshohet dhe autori i dy vjedhjeve.
Pas hekurave ka përfunduar shtetasi O. Sh., 19 vjeç, banues në fshatin Mengël, Elbasan
Gjykata e Rrethit Gjyqësor Elbasan të riut i kishte vendosur masën e sigurisë “Arrest në shtëpi”, për veprën penale “Mbajtja pa leje e armëve të ftohta”.
“Shërbimet e Policisë kanë marrë informacion se 19-vjeçari nuk e zbatonte vendimin e Gjykatës dhe pasi kanë ushtruar kontroll për zbatimin e masës së sigurisë, nuk e kanë gjetur në banesë. Pas kontrolleve të shumta Policia ka gjetur dhe arrestuar shtetasin O. Sh., i cili ishte në lëvizje.” thuhet në njoftimin e bluve të Elbasanit.
Nga hetimet e kryera dyshohet se shtetasi i mësipërm dyshohet dhe si autor i dy vjedhjeve, më konkretisht:
• Më datë 27.06.2020 në fshatin Mengël, Elbasan, dyshohet se ka vjedhur me thyerje lokalin në pronësi të shtetasit K. M., ku ka marrë mallra të ndryshme me vlerë 20.000 lekë.
• Më datë 17.06.2020, në fshatin Mengël, Elbasan, dyshohet se ka tentuar të vjedhë në magazinën në pronësi të shtetasit P. D.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.
/En.Br./Fjala.al
