Danimarka ishte ndër të paktat vende që lejuan rikthimin e tifozëve në stadiume, ndonëse me disa rregulla të ndryshuara siç është edhe distancimi fizik. Megjithatë duket se kjo gjë ka sjell probleme në ndeshje siç ndodhi në finalen e Kupës, e cila u ndërpre për 15 minuta, pasi tifozët nuk i respektuan rregullat e reja.
Ky ishte takimi i parë i lejuar nga qeveria me një pjesë tifozësh dhe ajo praktikisht dështoi. Në Esbjerg u përballën skuadra e Aalborg me atë të Sonderjyske.
Në këtë ndeshje të parë u lejuan të hynin në secilin sektor të stadiumit 500 tifozë, disa prej të cilëve megjithatë nuk respektuan rregullat e ndarjes dy metra, pavarësisht hapësirës në dispozicion.
“Gjatë pjesës së parë, arbitri duhej të ndërpriste ndeshjen për 15 minuta sepse tifozët e Aalborg, që nuk donin të uleshin në vendet e tyre, por ishin duke shkelur rregullat e luftës kundër Covid”,-ka njoftuar policia.
Kjo bëri që policia të merrte 50 tifozë dhe t’i nxirrte jashtë stadiumit. Ndërsa më pas takimi filloi rregullisht dhe përfundoi 2-0 për Sonderjyske.ka.ta/Fjala.al/
