Lidhur me ngjarjen tronditëse që ka ndodhur mbrëmjen e djeshme në Kombinat është siguruar nga mediat edhe dëshmia e fqinjes së Zhanetës, gruas e cila u vetëflijua me bashkë me vajzën.
Fqinja shprehet për “Report TV” se ka pasur marrëdhënie shumë të mira me Zhanetën dhe vajzat e saj por kishte më shumë se një vit që nuk i shikonte të dilnin nga shtëpia.
Ajo është shprehur se ka tentuar herë pas here të komunikojë me Zhanetën por kjo e fundit e ka refuzuar.
“8 vite kam pasur muhabet me ato. Kishim hyrje dalje, muhabet. Unë shkova në Greqi, kur u ktheva i vete dhe i them, ku e ke Anisën ? Fle gjumë tha. Shikoja nga dritarja dhe nuk dilnin, edhe dy lule që kishin aty po i thaheshin. I them kësaj që ato do kishin një gjë. I vete Zhanetës dhe i them, ku e ke Anisën, apo e ke në Gjermani. Vuri buzën në gaz dhe më tha: jo e kam këtu. Dy vjet unë as Blertën dhe as Anisën nuk i kam parë më. Momenti i fundit që kam parë Zhanetën ka qenë në mars. E pashë në supermarket poshtë kur erdhi kohën e pandemisë dhe i thashë si i ke çupat? Shumë i kam i thashë. Një ditë kur erdhi policia dhe bashkia që i sollën ushqime. I vajta para një muaj, i rashë derës. Lina më tha, të lutem shumë largohu nga shtëpia ime dhe mos ta pafsha bojën. Vinin edhe të afërmit, por nuk i pranonte. Policinë e lajmëroi Sandra se rrinin brenda. U shqetësuan banorët. Ato ulën qepenin e ballkonit, lulet iu ishin tharë”, u shpreh banorja. /Ra.My. Fjala.al/
