Ngjarja plot mistere që ndodhi mbrëmë më Kombinat, ku nëna dhe e bija u gjetën të pajeta në banesë, ndërsa vajza tjetër u transportua në gjendje të rëndë në spital, tronditi mbarë opinionin publik.
Burime për “Fjala.al” bëjnë me dije se Blerta Josifi 34 vjeç, ka dalë nga gjendja e rëndë shëndetësore, pasi u gjet në banesë pranë nënës dhe motrës së saj, të dyja të vdekura.
Ajo ka ardhur ditën e djeshme (2 korrik) në urgjencën e QSUT ku i janë kryer të gjitha ekzaminimet.
Ajo më pas dhe më pas është transferuar në shërbimin e urgjencës psikiatrike, ku gjendja e saj është më e qetë.
Ka qenë vëllai i 56 vjeçares, shtetasi S.F i cili më datë 02.07.2020, ka njoftuar në Komisariatin e Policisë nr 6 se në rrugën “Hamdi Cenoimeri” se motra e tij nuk i përgjigjej në telefon dhe nuk i hapte derën e banesës.
Gruaja dhe dy vajzat e saj kishin tre ditë që nuk kishin komunikuar dhe kjo kishte nxitur vëllanë e 56-vjeçares të kërkonte ndihmë policisë.
Mësohet se Zhaneta Josifi, me origjinë nga Ogreni dhe bashkëshorti i saj, Lluke Josifi nga Benja (Larguar nga jeta 5 vite më parë) pas 1990-tës u vendosën në Përmet familjarisht, bashkë me dy vajzat e tyre. Bashkëshorti i të ndjerës ishte themelues i bashkësisë të një sekti fetar në Përmet (Dëshmitarët e Jehovait).
Po ashtu, bëhet e ditur se 56-vjeçarja punonte në treg, ndërsa burri i saj ishte mësues. Pasi bashkëshorti i saj ndërroi jetë, ajo bashkë me vajzat, të cilat kishin mbaruar dhe gjimnazin në Përmet, u transferuan në Tiranë për një jetë më të mirë./Bl.Ba/Fjala.al
