Skuadra e Milan ka fituar me rezultatin 0-3 ndaj ekipit të Lazios së vendit të dytë, duke ndihmuar kështu Juventusin në rrugën drejt titullit të Seria A.
Golat e kësaj fitoreje për kuqezinjtë e Italisë u shënuar nga Hakan Calhanoglu, Zlatan Ibrahimoviç, që dyfishoi rezultatin dhe u finalizuan nga Ante Rebic.
Me tetë ndeshje të mbetura, Lazio mbetet i dyti në tabelë, shtatë pikë prapa Juventusit.
Ndërsa pas përfundimit të këtij takimi trajneri i Lazios, Simone Inzaghi ka shprehur keqardhje për rezultatin e marrë, ndërsa ka shtuar se ndeshjet e afërta kanë ndikin e tyre.
“Kjo humbje peshon mbi ne në tabelë, por e dinim se kishte disa vështirësi objektive. Fatkeqësisht, nuk mund të bëjë ndryshime në skuadër tani, kështu që të luash katër ndeshje nën dy javë bëhet e vështirë.Ne duhet të ecim përpara dhe të përgatitemi për ndeshjen tjetër. Ne e dimë udhëtimin që kemi marrë dhe nuk kemi ndërmend ta lëmë të na ikë nga duart”.-tha ai.
Ndërsa trajneri i Milan, Stefano Pioli, ka theksuar se skuadra e tij po punon fort dhe e meritonte atë rezultat.
“Ne punojmë vërtet mirë në Milano, unë gjithmonë thashë që kam pasur një grup lojtarësh përgjegjës, të cilët janë të vetëdijshëm për rëndësinë e fanellës që ata veshin. Lojtarët po vazhdojnë të japin 110 përqind, madje edhe ata që kanë nënshkruar kontrata deri në fund të sezonit dhe me siguri nuk do të mbeten këtu pas kësaj. Ata janë të vendosur të dëshmojnë se janë akoma lojtarë të fortë në këtë nivel dhe të japin më të mirën e tyre për Milanin ”.- u shpreh trajneri i kuqezinjëve të Italisë.
Kjo fitore ka ndikuar shumë pozitivisht te ekipi i Milan, ndërsa largon Lazion nga rruga drejt titullit të Sera A.ka.ta./Fjala.al/
