Situata e pandemisë COVID-19 në Kosovë po rëndohet gjithmonë e më shumë. Për 24 orët e fundit autoritete vendase konfirmuan 152 raste të reja pozitive nga 324 teste të realizuara.
Infektimet e reja me koronavirus janë nga: komuna e Prishtinës 57 raste, komuna e Prizrenit 16 raste, komuna e Fushë Kosovës 11 raste, komuna e Vushtrrisë 9 raste, komuna e Mitrovicës 8 raste, komuna e Gjilanit 7 raste, komuna e Drenasit 5 raste, komuna e Gjakovës 5 raste, komuna e Skenderajt 5 raste, komuna e Kaçanikut 3 raste, komuna e Lipjanit 3 raste, komuna e Obiliqit 3 raste, komuna e Pejës 3 raste, komuna e Rahovecit 3 raste, komuna e Kamenicës 2 raste, komuna e Malishevës 2 raste, komuna e Suharekës 2 raste, komuna e Vitisë 2 raste dhe me nga 1 rast komunat: Ferizaj, Graçanicë, Klinë, Mamushë, Shtime dhe Zubin Potok.
Në total numri i të infektuarve me COVID-19 në Kosovë ka arritur në 3508 persona.
Gjatë 24 orëve të fundit betejë me virusin COVID-19 e kanë fituar dhe 28 pacientë të tjerë duke e çuar numrin total të të shëruarëve në 1902 persona. Ndërsa raste aktive momentalisht Kosova ka 1531 persona.
Në Kosovë janë regjistruar gjithsej dhe 75 viktima nga COVID-19 të cilët kanë pasur sëmundje të tjera shoqëruese.
Kujtojmë se qeveria e Kosovës vendosi dje të rikthejë disa nga masat kufizuese anti-Covid, duke marrë parasysh situatën e përkeqësuar.
/En.Br./Fjala.al
