Shfaqja e Ursula-s në videon zgjedhore në Kroaci, KE pranon “gabimin”

113 563 lexime

124,178FansaPëlqeje

Komisioni Evropian tha të hënën se ka qenë gabim që presidentja Ursula von der Leyen është paraqitur në një video zgjedhore për partinë udhëheqëse të Kroacisë, në prag të zgjedhjeve të së dielës atje.

Von der Leyen, ish-ministre e Mbrojtjes e Gjermanisë, u shfaq në klip së bashku me figura të tjera të Partisë Popullore Evropiane raporton rel.

Ajo, së bashku me ish-kryeministrin e Irlandës, Leo Varadkar, ish-presidentin e Këshillit Evropian, Donald Tusk, kancelarin austriak, Sebastian Kurz, e të tjerë thanë fjalët: “Kroacia e sigurt”.

Von der Leyen tërhoqi vëmëndjen, sepse gjatë paraqitjes së saj të shkurtër, ajo foli përpara një flamuri të BE-së në një korridor të selisë së Komisionit, siç bën në videot zyrtare të BE-së.

“Me shfaqjen e njëanshmërisë, ajo rrezikon besimin dhe dëmton zyrën [e KE-së]”, tha deputeti i Parlamentit Evropian, Jens Geier.

Si të gjithë komisionarët evropianë, von der Leyen detyrohet nga Kodi i Sjelljes që të mos sillet në atë mënyrë që e minon perceptimin publik të pavarësisë së KE-së.

Von der Leyen pranoi se çdo mesazh i natyrës politike duhet t’i “respektojë absolutisht” rregullat e Kodit, u tha gazetarëve zëdhënësi i saj, Eric Mamer.

Ai tha se videoja është xhiruar të premten me kërkesë të Zyrës së Kryeministrit kroat, “së bashku me video-mesazhe të tjera që presidentja ka qenë në proces regjistrimi”.

“Gabimet janë bërë”, tha Mamer, megjithëse këto ishin “teknike” dhe nga “stafi”.

Zgjedhjet në Kroaci u mbajtën të dielën dhe rezultatet e para treguan se partia e kryeministrit Andrej Plenkoviq, HDZ, është në epërsi të madhe.ka.ta/Fjala.al/

Të fundit

Veliaj kërkon lirimin nga burgu, ja kur pritet të dalë përpara gjykatës kryebashkiaku

Kryebashkiaku i Tiranës, Erion Veliaj, i cili prej më shumë se dy muajsh ndodhet në masën e sigurisë “arrest...

Si do të justifikohet Berisha pas humbjes së zgjedhjeve?

Nga Spartak Ngjela Saliu nuk do të pranojë humbjen, sepse ajo e largon kreu i Partisë Demokratike. Shumë keq po dalin sondazhet për Partinë Demokratike. Shumë keq...

SpaceX lëshon 21 satelitë të tjerë Starlink në orbitën e ulët të Tokës

SpaceX lëshoi një grup tjetër satelitësh Starlink në orbitë nga Qendra Hapësinore Kennedy e NASA-s në Florida. Raketa Falcon 9 barti 21 satelitë Starlink drejt...

Rama nga Brukseli: Të përkushtuar të përmbyllim negociatat brenda vitit 2027

Kryeministri Edi Rama, në një prononcim të shkurtër për mediat së bashku me Presidentin e Këshillit Evropian, Antonio Costa, në prag të konferencës së...

Elbasani, kryeqendra e artit skenik “Çfarë pa kryesherbetorja”, rindez teratrin Skampa

Nga ARTUR  AJAZI Elbasani ka vite që është kthyer në “kryeqendër” të artit skenik. Kështu ka deklaruar drejtori i Teatrit Skampa zoti Klition Kapaj. Së...

Lajme të tjera

Web TV