Vazhdon të rritet numri i të infektuarve në vendin tonë.
Vetëm në 24 orët e fundit janë regjistruar 8 raste me COVID-19 në qytetin e Krujës ndërkohë që ditën e djeshme janë kryer 34 testime.
Një nga 8 personat e infektuar është një grua e cila ndodhet në gjëndje të rëndë shëndetësore në Spitalin Infektiv në QSUT.
Sakaq, javët e fundit është rritur ndjeshëm numri i viktimave dhe të infektuarve. Ditën e djeshme humbën jetën 2 pacientë të tjerë në spital Infektiv. Kështu numri i viktimave ka shkuar në 81. Ndërkohë u konfirmuan edhe 74 raste të reja. Harta u zgjerua në 18 qytete të tjera. Aktualisht në spitalin infektiv po marrin mjekim 81 pacientë, 7 prej të cilëve janë në gjendje të rëndë. Numri i të shëruarve ka shkuar në 1744.
Pritet përditësimi i shifrave nga Ministria e Shëndetësië dhe konfirmimi rasteve të reja.
/Ra.My. Fjala.al/
