Situata e pandemisë në Kosovë po bëhet gjithnjë e më shqetësuese. Për 24 orët e fundit janë konfirmuar 214 raste të reja me COVID-19 nga 413 teste të realizuara. Kjo është shifra më e lartë e rasteve të reja ditore me koronavirus që nga fillimi i pandemisë.
IKSHPK raporton se rastet e reja janë nga: komuna Prishtinë 68 raste, komuna Ferizaj 55 raste, komuna Mitrovicë 35 raste, komuna Fushë Kosovë 13 raste, komuna Prizren 10 raste, komuna Lipjan 8 raste, komuna Vushtrri 6 raste, komuna Drenas 3 raste, komuna Podujevë 3 raste, komuna Gjakovë 2 raste, komuna Skenderaj 2 raste, komuna Obiliq 2 raste, komuna Han i Elezit 2 raste, komuna Malishevë 2 raste dhe me nga 1 rast komunat: Junik, Suharekë dhe Shtime.
Në total numri i të prekurve me koronavirus në Kosovë ka arritur në 4100 persona.
Gjatë 24 orëve të fundit betejën me COVID-19 e kanë fituar dhe 60 pacientë të tjerë duke e çuar në 2063 numrin total të të shëruarve, ndërsa 1.951 pacientë të tjerë janë aktualisht aktivë.
Kosova ka regjistruar gjithsej dhe 86 viktima nga COVID-19 të cilët kanë pasur sëmundje të tjera shoqëruese.
/En.Br./Fjala.al
