Parid Turdiu, djali i Qazim Turdiut, pinjolli i një prej familjeve më të vjetra Tiranase që tashmë jeton në SHBA prej 3 dekadash, ka dhënë mendimin e tij se si duhet të rehabilitohet lumi Lana.
Përmes një postimi në rrjetin social “Facebook”, Turdiu deklaron se Lana duhet gërmuar dhe në fund të saj duhet shtruar një kanal (me soleta cilindrike betoni dikur, apo plastike i bëjnë sot, me guarnicion home që të mos rrjedhin) për ujërat e ndotura.
Gjithashtu, Turdiu thotë se Lana duhet mbushur me ujë të pastër, me dy diga, njëra në hyrje të Tiranës, tjetra në dalje, me nga një hidrocentral të vogël në çdo digë.
Turdiu propozon që në qendër të Tiranës lumi Lana të jetë një liqen i gjatë i ngushtë, me gondola.
Postimi i plotë i Parid Turdiut
Lana duhet gërmuar. Në fund të saj do shtruar një kanal (me soleta cilindrike betoni dikur, apo plastike i bëjnë sot, me guarnicion home që të mos rrjedhin) për ujërat e ndotura.
Sipër duhet mbushur me ujë të pastër, me dy diga, njëra në hyrje të Tiranës, tjetra në dalje, me nga një hidrocentral të vogël në çdo digë. Në 1-2 km në qendër të Tiranës të jetë një liqen i gjatë i ngushtë, me gondola.
la.mi/Fjala.al
