Gjatë 24 orëve të fundit kanë ndërruar jetë dhe dy pacientë të tjerë për shkak të COVID-19 te spitali Infektiv.
Viktimat e fundit janë një 81 vjeçar nga Shkodra dhe një 63 vjeçar nga Elbasani. Ata ishin të shtruar prej disa ditësh në spitalin infektiv në gjendje të rënduar, dhe nuk kanë mundur dot të mbijetojnë.
Numri në total i viktimave nga koronavirusi në vendin tonë ka arritur në 85 (Qarku Tiranë 46, Durrës 13, Fier 5, Vlorë 2, Shkodër 13, Kukës 1, Elbasan 3, Lezhë 1, Berat 1).
Sot autoritetet e shëndetësisë raportuan 90 raste të reja me COVID-19, duke e çuar në 3278 numrin total të të infektuarve, 1318 prej të cilëve janë ende aktivë.
/En.Br./Fjala.al
