Situata e pandemisë në vend paraqitet shqetësuese. Një konstatim i tillë vjen nga mjeku infeksionist Pëllumb Pipero.
Mjeku tregon se në numrat e shtuar të të infektuarve javët e fundit janë moshat e reja.
Ndonëse komplikacionet më të mëdha vijojnë ti paraqesin të moshuarit apo të sëmurët kronikë ka dhe të rinj që kanë nevojë për trajtim spitalor.
“Moshat e reja janë më të ekspozuar sepse janë në marrëdhënie pune. Moshat e vjetra kanë më shumë kujdes. Graviteti dhe komplikacionet më të mëdha janë te të sëmurët kronikë.Shtimi i rasteve ka sjellë më shumë raste në spital dhe humbje jetësh. Në kompleks jeta është shqetësuese por nuk është ende problematike”
Pipero shprehet se mbajtja e maskës duhet të kthehet në detyrim ligjor dhe në mjedise të hapura.
“Askush nuk e di nëse është pozitiv. Sot bota trembet nga transmetuesit e heshtur. Kam qenë dhe jam kundër maskës në rrugë.Por që të na bëhet mënyrë jetese duhet të mbahet edhe në rrugë. Një maskë sado e thjeshtë e ul mundësinë e infektimit deri në 95%”
Nëse rritet ndërgjegjësimi për përdorimin e maskës dhe respektimin e distancimit fizik Pipero thotë se numrat e të infektuarve do të njohin rënie dy javët ne vijim në të kundërt situata rrezikon të kthehet në problematike, shkruan Abcnews.
Bo.Ba/fjala.al
