Tayna është tashmë një nga emrat më të dëgjuar të muzikës në vend dhe është në kulmin e karrierës shumë të merituar. Në pak kohë, reperja arriti të bëhej një ndër emrat më të njohur të muzikës.
Vetëm pak më parë, Tayna ka bërë të ditur në Instagram se ka hedhur një hap të madh në karrierën e saj.
Ajo ka njoftuar se ka lidhur kontratë me “Sony Music” në Gjermani, një prej shtëpive diskografike më me emër në botë.
“Jam shumë e lumtur që rashë dakord të bashkëpunoj me Sony Music. Pas diskutimeve intensive, ramë dakord se së bashku mund të bëjmë një hap të madh. Kështu, unë do të vazhdoj të zhvillohem nga ana artistike dhe të fokusohem totalisht në muzikë.”- shkruan reperja krahas postimit.
Miqtë, kolegët e fansat e kanë uruar Taynën për këtë arritje, duke u shprehur se ky ishte vendimi më i mirë që mund të merrte./St.Su/Fjala.al
