Që prej ditës së djeshme skuadra e Partizanit ka qenë në tension për shkak të rezultimit pozitiv në testin e Covid-19 të një pjese të lojtarëve të saj.
Pas rasteve të para që ishin Besnik Ferati dhe rumuni Deian Boldor, të infektuar dolën Erald Çinari, Esat Mala dhe Kristi Kote.
Ky lajm nuk është pritur mirë nga lojtarët e të kuqve, të cilët përgjegjës kanë bërë rumunin dhe motrën e tij Denisën, që po ashtu është prekur nga koronavirusi.
Mbrëmjen e djeshme, disa nga lojtarët e kësaj skuadre kanë shkuar në shtëpinë e Boldor.
Ata kanë pasur një sërë debatesh verbale me fyerje dhe më pas konflikti ka degjeneruar në përplasje fizike, pasi kanë bërë mbrojtësin rumun përgjegjës të infektimeve.
Më pas ai është dërguar me polici në spital, por as Deian as e motra nuk e kanë denoncuar këtë rast.Ka.ta/Fjala.al/
