Një bandë shqiptarësh që vidhnin skafe është goditur nga policia e Greqisë. Operacioni policor u krye në Patra, Agrinjo, Astako dhe Ksiromero Aitiloakarnania.
Në pranga kanë rënë 8 shtetas shqiptarë, përkatësisht 4 meshkuj dhe 4 femra.
Ndërkohë olicia dyshon për 10 vjedhje dhe 2 tentativa për vjedhje skafesh, 21 vjedhje motorra skafeshm, 3 vjedhje magazinash, 2 vjedhje trailer transporti skafesh, 4 vjedhje nëpër automjete, 8 vjedhje kafshësh me në total 55 qengja.
Objektet e vjedhura, grupi kriminal i transportonte drejt Shqipërisë duke i kaluar nga dogana me dokumente të falsifikuar. Veprimtarinë e tyre e pezulloi përkohësisht situata me COVID-19 pasi kreu i grupit nuk mundi të hynte për një periudhë nga Shqipëria në Greqi.
Gjatë kësaj periudhe një pjesë e grupit u mor me grabitje kafshësh ndërsa një pjesë tjetër shfrytëzonin për prostitucion një vajzë të mitur. Për këtë të fundit janë në kërkim edhe dy shtetas të tjerë./Fjala.al/Ke.Ba
