Auron Tare tregon gjatë emisionit HARD TALK NGA ROLAND QAFOKU edhe për një studim të mëparshëm lidhur me incidentin e kanalit të Korfuzit. Ngjarja që ndodhi në 22 tetor 1946 kur në ujërat territoriale shqiptare pranë Kanalit të Korfuzit dy anije ushtarake britanike shpërthyen nga kontakti me disa mina të vendosura në ujë nga e cila vdiqën 44 ushtarë dhe 42 u plagosën, Gjykata e Hagës dënoi Shqipërinë si autore duke vendosur edhe detyrimin për një dëmshpërblim. Por në emisionin HARD TALK NGA ROLAND QAFOKU studiuesi Auron Tare deklaron se pavarësisht faktit se Shqipëria kishte dijeni që jugosllavët i kishin vendosur minat, anijet ushtarake britanike kishin manifestuar forcë duke u futur në ujërat shqiptare.
Në arkivin amerikan që kemi apo më shumë ai britanik, kemi çështjen e Kanalit të Korfuzit. Po të shikosh dosjen e Kanalit të Korfuzit, pjesa më e madhe e dokumentacionit që kanë britanikët, raportimet që kanë nuk përshkojnë me të vërtetën. Kur unë botova disa vite më përpara këtë çështje, pasi zbuluam anijen vetëm 800 metra brenda territorit shqiptar dhe ballafaquam të dhënat e hartave të lundrimit, dosjen operacionale të dosjes britanike etj, etj u vërtetua që raportimi anglez nuk ishte i saktë ose ishte i njëanshëm. Por kishte dhe disa dokumente të tjera të cilat ishin shumë korrekte në dhënien e informacionit që vërtetonte katërcipërisht që ajo që gjetëm ne dhe dokumenti operacional i flotës britanike tregonte që ndaj Shqipërisë ishte ndërmarrë një provokim ushtarak dhe nuk ishte një kalim paqësor ashtu siç e trajtuan britanikët në Gjykatën e Hagës./Fjala.al/Ke.Ba
Ndiqni LIVE emisionin HARD TALK NGA ROLAND QAFOKU
https://www.facebook.com/watch/?v=619708155339102
