Ogerta Manastirliu, ministrja e Shëndetësisë ka zhvilluar ditën e sotme një vizitë në spitalin ‘Shefqet Ndroqi’ në Tiranë dhe ka komunikuar se kanë nisur përgatitjet për ta kthyer atë në spital COVID2. Ministrja, me anë të një videoje të publikuar në rrjetet sociale është shprehur se do të forcohen kapacitetet spitalore dhe në terapinë intensive.
Ajo më tej shton se stafet mjekësore janë në gatishmëri dhe u bën thirrje qytetarëve që të mbajnë distancën, maskat dhe të ruajnë higjienën personale dhe kolektive. Ka.Li/fjala.al
“?#COVID19 Në spitalin Universitar “Shefqet Ndroqi”, ku kanë nisur përgatitjet për t’u kthyer në spital COVID2, nisur nga fluksi i shtuar i pacientëve të prekur nga COVID19.
Po forcojmë kapacitetet spitalore edhe në terapinë intensive, për të përballuar numrin në rritje të të prekurve. Stafet mjekësore janë në gatishmëri por një thirrje për çdo qytetar për respektimin e rregullave: 1️⃣ Mbani distancën 2️⃣ Vendoseni maskën 3️⃣ Ruani higjienën personale dhe kolektive #BASHKË kundër #COVID19”, shkruan ministrja.
