Austria ka pezulluar fluturimet nga Shqipëria nga data 16 deri në 31 korrik. Bëhet me dije se shkak është rritja e numrit të rasteve të reja ditore në vendin tonë.
Lajmi është bërë i ditur nga Ambasada shqiptare në Vjenë e cila ka njoftuar se me vendosjen e rregullave të reja nga Ministria austriake e Shëndetësisë për ndalimin e fluturimeve drejt Austrisë është zgjeruar me 10 vende të reja dhe numri total i shteteve që nuk lejohen ka shkuar në 18.
Njoftimi i plotë:
Njoftojmë se, Austria do tё pezullojё fluturimet nga Shqipëria nga data 16 korrik deri nё datёn 31 korrik 2020!
Ministri i Shëndetësisë, z. Rudolf Anschober, ka firmosur rregulla të reja, sipas së cilave lista e ndalimit tё fluturimeve drejt Austrisё zgjerohet me 10 vende tё reja, duke e çuar nё total numrin e ndalimeve nё 18. Nё listёn e ndalimit tё fluturimeve do tё pёrfshihen vendet e Ballkanit Perëndimor, Rumania, Bullgaria dhe Moldavia.
Bёjmё thirrje tё gjithё shtetasve shqiptarё me leje qëndrimi nё Austri dhe tё gjithё tё interesuarve tё marrin masa tё menjёhershme pёr tё shmangur bllokimin e tyre!
/Re.Gu/Fjala.al
