Sulmuesi i kombëtares shqiptare të futbollit, Myrto Uzuni ka gjetur skuadrën e tij të re në Hungari. Kampionia e elitës së futbollit hungarez, Ferencvarosi është klubi që ka blerë kartonin e shqiptarit.
Burime për Fjala.al bëjnë me dije se Uzuni ka kaluar nga Lokomotiva e Zagrebit te skuadra hungareze për një shifër më shumë se 1 milion e 550 mijë eurosh.
Me skuadrën e re, Uzuni do të ketë mundësinë që të jetë pjesë e kualifikueseve të Champions League.
Ndërsa zyrtarizimi nga klubet dhe lojtari pritet që të bëhet në ditët në vijim. Rikujtojmë se futbollisti shqiptar është kërkuar edhe nga skuadra të kampionatit spanjoll dhe atij italian.
Gjatë këtij sezoni me Lokomotiva Zagreb, Uzuni ka shënuar plot nëntë gola dhe ka qenë një titullar i padiskutueshëm në ekipin e tij.
Katerina Tafa/Fjala.al/
