Ka përfunduar edhe intervistimi i ditës së tretë në Hagë i Presidentit Hashim Thaçi nga prokurorët e Dhomave të Specializuara në kuadër të Speciales në Hagë.
Ashtu si edhe dy ditët e para Thaçi është intervistuar prej më shumë se gjashtë orësh. Pas përfundimit Thaçi nuk foli për mediat, por mësohet se intervistomi do të vazhdojë edhe ditën e nesërme.
Për ta përkrahur Thaçin dhe luftën e UÇK-së para Speciales në Hagë sot kanë qëndruar përsëri shumë shqiptarë të cilët kanë udhëtuar nga vende të ndryshme.
Më 24 qershor, Zyra e Prokurorit të Specializuar ka njoftuar se më 24 prill ka paraqitur një aktakuzë për krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.
Thaçi më herët ka deklaruar se do të japë dorëheqje nga posti i presidentit, nëse aktakuza kundër tij konfirmohet.
Bo.Ba/fjala.al
