Ambasada amerikane në Tiranë ka reaguar pas rritjes së numrit të prokurorëve të SPAK, ku me betimin e Manjola Kajanës shkoi në 13.
Përmes një postimi në rrjetin sociale “Twitter” ambasadorja e SHBA në Shqipëri, Yuri Kim ka përshëndetur shtimin e kapaciteteve të Prokurorisë së Posaçme me prokurorë të rinj, ndërsa ka dërguar tjetër mesazh për politikanët e korruptuar në vend.
Sipas saj, reforma në drejtësi nuk ndalet dhe se me rritjen e numrit të prokurorëve të SPAK po ngushtohet laku për të korruptuarit.
“Urime ZPP/SPAK për prokurorin e ri që iu shtua ekipit. Kapacitet më i madh do të thotë më pak mundësi për të fshehur të paskrupujt”, shkruan Yuri Kim./Bl.Ba/Fjala.al
