Sulmuesi i kombëtares shqiptare të futbollit, Myrto Uzuni do të kalojë te skuadra hungareze e Ferencvaros-it.
Ditën e djeshme Fjala.al dhe edicioni “Fjala Sport” transmetuar në FJALA TV raportoi se Uzuni do të transferohej nga Lokomotiva e Zagrebit në Hungari për një shumë më të madhe se 1 milion e 550 mijë euro.
Ky lajm është marrë nga mediat hungareze siç është CSAKFOCI.HU, e cila citon Fjala.al në lajmin për shqiptarin.
“Raportet e shtypit shqiptar, gjithashtu pretendojnë se me të vërtetë është arritur një marrëveshje për çështjen e futbollistit 25- vjeçar të Kombëtares, dhe fjala.al e di se kontrata mund të nënshkruhet nga palët në ditët në vijim. Portali përmend gjithashtu një çmim të pretenduar të blerjes, sipas të cilit Ferencvaros mund të paguajë rreth 1.55 milion euro, për të zgjedhurin e saj.”-shkruhet në artikullin e medias hungareze.
Me skuadrën e re, Uzuni do të ketë mundësinë që të jetë pjesë e kualifikueseve të Champions League.
Gjatë këtij sezoni me Lokomotiva Zagreb, Uzuni ka shënuar plot nëntë gola dhe ka qenë një titullar i padiskutueshëm në ekipin e tij.
Katerina Tafa/Fjala.al/
