Milan është duke kaluar një periudhë të artë pas rikthimit të futbollit në Seria A, pasi në 7 ndeshje të realizuara nuk kanë pësuar asnjë humbje, ndërkohë që kanë arritur të marrin 5 fitore.
Kuqezinjtë arritën sot të triumfoni me rezultatin 3-1 në shtëpi përballë Parmës duke vazhduar ecurinë pozitive.
Fraksioni i parë i lojës u mbyll me avantazhin e miqve, pasi para se ekipet t’iu drejtoheshin dhomave të zhveshjes Alberto Grassi asistoi te Jasmin Kurtic, i cili shënoi për 0-1.
Në pjesën e dytë Milani u nis me të gjitha forcat drejt sulmit dhe kjo dha sukses. Në minutën e ’55 një “perlë” e Franck Kessie do të barazonte rezultatin. Mesfushori me anë të një gjuajtje nga distanca e çoi topin në drejtkëndësh.
Nuk vonoi shumë dhe pas katër minutash një lojë e mirë e Milanit solli edhe golin e dytë. Hakan Calhanoglu asistoi për Alessio Romagniolin i cili shënoi për 2-1.
Ishte pikërisht turku Calhanoglu që vulosi fitoren me një gol në minutën e 77-të.
Kuqezinjtë morën tre pikë në garën për europë, ndërkohë që duhet kujtuar se dhe në ndeshjet ndaj Juventusit “djalli” arriti të përmbyste disavantazhin e dy golave./En.Br./Fjala.al
