Kryeministri Edi Rama ka dhënë një lajm përmes Twitter-it të tij. Ai thotë se shumica parlamentare sapo ka votuar në Komisionin e Ligjeve draftin e dakordësuar me opozitën jashtëparlamentare më 5 qershor për Reformën Zgjedhore.
Rama thotë se nuk pati konsensusin nga opozita brenda parlamentit dhe se më shumë pritet të flasë në një konferencë për shtyp sot rreth orës 13:00.
“Shumica jonë në Komisionin e Ligjeve sapo votoi draftin e dakordësuar në 5 qershor me opozitën jashtëparlamentare!
U votua pa konsensus sepse o.parlamentare vijon ta kundërshtojë marrëveshjen për mosdepolitizimin e admin.zgjedhore, kërkuar si kusht nga LBPD! Për më shumë në 13.00 live!”, shkruan Rama./Bl.Ba/Fjala.al
