Pas disa muajsh hetime të SPAK në bashkëpunim me sektorin kundër korrupsionit në policinë e Tiranës kanë rënë në pranga 11 zyrtarë.
Dy në masën e sigurisë “arrest me burg” dhe 9 ne arrest shtëpie për akuzën “shpërdorim detyre” dhe “korrupsion pasiv i personave që ushtrojnë funksione publik” dhe “ushtrim i ndikimit të paligjshëm ndaj personave që ushtrojnë funksione publike”.
Burime pranë policisë bëjnë me dije se këta punonjës lëshonin libreza shëndetësore në mënyrë abuzive me qëllim punësimin.
Zyrtarët e arrestuar janë nga këtë institucione si: Drejtoria Rajonale e Inspektoratit Shtetëror Shëndetësor, Drejtoria Rajonale e Operatorit të Shërbimit të Kujdesit Shëndetësor, njësitë vendore të kujdesit shëndetësor dhe qendra shëndetësore të ndryshme në Tiranë.
Ndërkohe janë pezulluar nga detyra e shërbimit publik tre persona të cilët aktualisht vijojnë te jene ne hetim për veprat penale te sipërpërmendura.
Personat e hetuar: 5 nga drejtoria rajonale e Inspektoratit Shtetëror Shëndetësor, një nga Drejtoria Rajonale e Operatorit të Shërbimit të Kujdesit Shëndetësor dhe tetë nga njësite vendore të kujdesit shëndetësor dhe qendra shëndetësore të ndryshme në Tiranë.
Nga këto nëntë janë masë sigurie “arrest shtëpie”, dy “arrest me burg” dhe tre janë në hetim në gjendje të lirë.
/En.Br./Fjala.al
