Situata e krijuar nga pandemia e koronavirusit do të ndikojë edhe në sezonin e ardhshëm të kampionateve të futbollit.
Komisioni ndërkombëtar që merret me hartimin e rregulloreve të futbollit, IFAB mund të miratojë disa ndryshime për edicionin tjetër, si ai i 5 zëvendësimeve në një ndeshje.
Duke ditur që pandemia pritet të zgjasë të paktën edhe në pjesën e parë të sezonit të ardhshëm dhe se kalendarët mund të ngjeshen përsëri, IFAB ka vendosur që rregulli i 5 zëvendësimeve, që u vendos si pasojë e kushteve ekstreme, të vazhdojë të qëndrojë në fuqi të paktën edhe për kampionatin tjetër.
“Në bazë të vendimit që u mor më 8 maj 2020 për t’i lejuar ndeshjeve të programuara që të kompletoheshin në vitin 2020, u mundësua kryerja e deri në 5 zëvendësimeve, Bordi i Administrimit i IFAB ka vendosur të rishqyrtojë nëse duhej shtyrë më tej ky opsion. Duke u bazuar mbi një testim të thellë, i cili përfshinte edhe mendimin e palëve të interesuara dhe mbi impaktin e COVID-19 në kalendarët e aktiviteteve, Këshilli vendosi të shtyjë këtë opsion deri më 31 korrik 2021 për kampionatet kombëtare dhe deri në korrik-gusht 2021 për turnetë ndërkombëtarë”,-thuhet në njoftimin e IFAB.
Pandemia e Covid-19 detyron kështu ndryshimin e rregullores së futbollit për një sezon të tërë.
Megjithatë IFAB theksoi se organizatorët e kampionateve do të vazhdojë të kenë fjalën e fundit në lidhje me zbatimin e këtij modifikimi të përkohshëm.ka.ta/Fjala.al/
