SPAK ka depozituar në Ministrinë e Drejtësisë 8 kërkesa për izolimin e pjesëtarëve të grupeve kriminaleve me regjimin 41 bis.
Prokuroria e Posaçme Kundër Korrupsionit dhe Krimit të Organizuar (SPAK) i kërkon Ministres së Drejtësisë Etilda Gjonaj që të firmosë urdhrin për izolimin në regjimin special të 8 bosëve të krimit.
Kreu i SPAK Arben Kraja i ka dorëzuar dokumentin që duhet të firmos Gjonaj dhe kërkon dërgimin e këtyre të dënuarve në dhomat e regjimit të rreptë të ashtuquajtur “41 bis”.
Fjala .al mëson se vendimmarrja për dërgimin e bosëve të krimit në regjimin special i takon Ministrit të Drejtësisë.
Prej katër muajsh kërkesa e SPAK qëndron në zyrat e Ministres së Drejtësisë.
Burgjet i referojnë informacion SPAK e më pas SPAK ja përcjell ministrisë vendimin. Tetë kërkesa janë për tetë persona të cilët janë në burgje si pjesë të grupeve kriminale të drogës, prostitucionit, vrasjeve.
Aktualisht ne paraburgim 313 janë 10 qeli të regjimit 41 bis. Në këtë regjim nuk lejohet telefoni, je në monitorim 24 orë me kamera, s’ka takime, s’ka TV dhe je i veçuar nga të burgosurit e tjerë./Bl.Ba/Fjala.al
