Dhuna në familje vazhdon të mbetet problem në shoqërinë shqiptare ku së fundmi vihet re ndërgjegjësimi i qytetarëve duke i denoncuar këto raste.
Si pasojë e dhunës në famije janë vënë në pranga nga policia 2 persona, në Lushnje dhe Fier të shpallur në kërkim për dhunë ndaj bashkëshortes.
Një 53-vjeçar nga qyteti i Lushnjes me iniciale H.M. u vu në pranga pasi gjykata kishte caktuar dënimin e tij me 8 muaj burg për veprën penale “Dhunë në familje” .
Sakaq specialistët për Hetimin e Krimeve në Komisariatin e Policisë Mallakastër, arrestuan në flagrancë 57-vjecarin me inicialet H.L, pasi në fshatin Drenovë Fushë, Mallakastër, për motive të dobëta ka ushtruar dhunë fizike ndaj kunatës së tij, shtetases Sh. L., 48 vjeçe.
Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje”. /Ra.My. Fjala.al/
