Kryeministri Edi Rama ka reaguar lidhur me zhvillimet politike dhe deklaratat që pasuan votimin e ndryshimeve kushtetuese. Përmes një postimi në rrjetet sociale ai shkruan se Partia Socialiste nuk ka asnjë obligim ndaj PD-LSI përveç marrëveshjes së 5 qershorit.
Rama i është përgjigjur pozitivisht ftesës së demokratëve një ditë më parë për çështje që nuk kanë të bëjnë me marrëveshjen të diskutohen sërish në këshillim politik.
“PS e ka gjithë vullnetin të bëjë çdo përpjekje për ta bindur PDLSIOP për dobinë që nisma kushtetuese ka për Shqipërinë,e unë jam i gatshëm të shkoj vetë në Këshillin Politik këtë herë, ku po erdhi dhe LB apo edhe IM nëse dëshirojnë, do jetë edhe më mirë padyshim. Gati që të hënën! PS nuk ka asnjë obligim ndaj PDLSI përveç marrëveshjes së 5 qershorit, të cilën do ta mbështesë deri në fund! Por nëse opozita presidenciale (OP) mendon se nisma zyrtare kushtetuese ia vlen të diskutohet në Këshillin Politik,PS s’ka si të jetë kundër,madje megjithë OP në tryezë!“, shkruan Rama.
