Komisioneri për Zgjerimin në BE, Oliver Varhelyi ka përshëndetur sërish vendimin e Partisë Demokratike dhe të Partisë Socialiste për t’u ulur në Këshillin Politik për ndryshimet Kushtetese.
Komisioneri nënvizon faktin se gjithë-përfshirja është mënyra e duhur për çështjet elektorale por Komisioneri i rikthehet përsëri marrëveshjes së 5 qershorit.
Me anë të një postimi në rrjetin social Varhelyi shprehet se ajo marrëveshje është vendimtare dhe duhet të ruhet dhe të votohet shpejt pasi adreson një nga kushtet e BE.
Postimi i plotë
‘’Reforma zgjedhore në Shqipëri. Është mirë që Këshilli Politik do të diskutojë ndryshimet e propozuara në sistemin zgjedhor. Gjithë-përfshirja është mënyra e duhur për çështjet elektorale. Marrëveshja vendimtare e 5 qershorit ruhet dhe votohet shpejt në ligj pasi adreson një kusht kryesor për bisedimet e pranimit të BE.’’
Bo.Ba/fjala.al
