Është publikuar një tjetër listë nga Instituti i Sigurimeve Shoqërore me emrat e 271 përfituesve pensionistë që përfitojnë pensionet dhe shtesat suplementare.
Pensionet janë përllogaritur në zbatim të ligjit “Për trajtim financiar dhe suplementar të punonjësve që kanë punuar në miniera në nëntokë,industrinë e naftës e të gazit dhe metalurgji”.
ISSH ka vijuar edhe gjatë kësaj periudhe pandemie të shqyrtojë kërkesat e dorëzuara ndërsa përfituesit e rinj do të mund të tërheqin pagesat suplementare për punët e kryera në industrinë e naftës dhe të gazit, në miniera nëntokë, si dhe metalurgjisë.
Autoritetet e Institutit të Sigurimeve Shoqërore sqarojnë se procedurat e llogaritjes së pagesave suplementare për këto kategori profesionesh do të vijojnë edhe përgjatë ditëve në vijim pasi janë ende me mijëra kërkesa të tjera të depozituara nga aplikuesit që plotësojnë kushtet e përcaktuara. /Ra.My. Fjala.al/
