Për ish-deputetin e PD-së Genc Pollo, ndryshimet kushtetuese që po tentohen të bëhen nga mazhoranca dhe opozita parlamentare për ndryshimin e sistemit zgjedhor dhe heqjen e koalicioneve parazgjedhore duhet të ndalohen me çdo kusht, deri në nxjerrjen e popullit në rrugë.
Ai e cilësoi këtë akt si një manovër të kryeministrit Edi Rama për të fituar 3 deri në 7 deputetë. Ndër të tjera Pollo deklaroi dhe se në sondazhe opozita kryeson para PS-së.
“Për sa kohë që sondazhet nuk janë publike mund të spekulohet me sondazhet por ajo që mua më thonë është së opozita është pikë të qenësishme para PS. Kështu rezulton, nuk duhet t’ju habisë se jemi në vitin e 7-8 të qeverisë, kur Rama e pranon me gojën e tij se kemi problemë dhe deficite… Nëse do kemi kulturën e publikimit të sondazheve që çdo udhëheqje të shohëç’duhet bërë kjo do ishte një gjë pozitive, dhe mbi këtë bazë mund të flisnim. Por në vitin e 8 është normalë që opozita të jëtë para ajo që nuk është normale që shumica të ketë rënie, ajo që nuk është normale është të tentosh të ndryshosh kushtetutën që të fitosh 3 deri në 7 deputetë, kjo duhet ndaluar me çdo kusht nga pozicionet politike, te diplomacia deri te populli në rrugë”,- tha Pollo në emisionin “Kjo Javë”.
/En.Br./Fjala.al
