241 raste të reja nga 1700 testime të realizuara, 8 viktima dhe 51 të shëruar është bilanci i COVID-19 për 24 orët e fundit në Maqedoninë e Veriut.
Autoritet vendase të shëndetësisë raportuan se rastet e reja janë nga: Shkupi 73 raste të reja, Kumanovë-10, Dibër-1, Shtip-60, Prilep-5, Tetovë-32, Strugë-3, Veles-1, Manastir-3, Ohër-2, Gostivar-14, Gjevgjeli-6, Strumicë- 4, Kriva Pallankë-3, Radovish-3, Krushevë-1, Koçani-8, Probishtip-1, Demir Hisar-2, Vinicë-1, Kratovë-1, Shën Nikollë-5, Kërçovë-2.
Viktimat e fundit janë dy nga Shkupi, Tetova dhe Struga, kurse Gostivari dhe Strumica regjistrojnë nga një viktimë. Pacientët që kanë ndërruarjetë janë mes moshës 59 dhe 76 vjeçe.
Sipas statistikave të fundit në Maqedoninë e Veriut që nga fillimi i pandemisë janë infektuar 9026 persona me COVID-19, prej të cilëve 4727 janë shëruar, kurse fatkeqësisht betejën me koronavirusin e ri e kanë humbur 414 pacientë. Për momentin ka 3885 raste aktive me COVID-19.
/En.Br./Fjala.al
