Në një njoftim të botuar në faqen e saj zyrtare në Internet, Federata Shqiptare e Futbollit ka bërë të ditur se kur do të luhen këtë javë duelet finalet që do të shpallin skuadrat “kampione” në Kategorinë e Parë dhe Kategorinë e Dytë të Kampionatit Kombëtar të Futbollit.
Kështu, organizmi që qeveris futbollin në vend ka njoftuar se të mërkurë, më datë 22 korrik, duke nisur nga ora 19:00, do të luhet në Stadiumin “Elbasan Arena” sfida Kastrioti-Apolonia, që do të shpallë ekipin “kampion” në Kategorinë e Parë. Kastrioti vjen në këtë duel si fitues i Grupit A, ndërsa Apolonia e mbylli sezonin e rregullt në krye të Grupit B të kësaj kategorie.
Ndërkaq, një ditë më vonë, më 23 korrik 2020, duke nisur nga ora 17:30 do të luhet finalja e Kategorise së Dytë, Vora-Tomorri.
Kjo sfidë, që do të zhvillohet në Stadiumin “Niko Dovana” të Durrësit, do të vërë përballë dy fituesit e grupeve A dhe B në këtë kategori.
la.mi/Fjala.al
