Personi i cili mbeti viktimë nga atentati i regjistruar pasditen e sotme në Elbasan është shtetasi Emiljano Ramazani, rreth 40-vjeç. Mësohet se pseudonimi i tij ishte “Ramadani” dhe shkurt i thërrisnin Rama.
Ky shtetas nuk është një emër i panjohur për policinë. Në shkurt të vitit 2017, ai u vu në pranga nga blutë e Elbasanit, në kuadër të operacionit “Porosia e fundit”. Ai u kap së bashku me shtetasin tjetër Marenglen Kamami, me 10 doza kokaine dhe 50.000 lekë të reja.
Ngjarja e sotme dyshohet se ka të bëjë ne një atentat mafioz. Pas ngjarjes, një makinë e djegur është gjetur në fshatin Vidhas, ku dyshohet se iu përket autorëve.
/En.Br./Fjala.al
