Një 28 vjeçar nga Laçi është ndaluar nga Policia në vendin e quajtur “Rotondo e Plygut” në Lushnjë pasi gjatë një kontrolli i janë gjetur 54.700 euro me vete.
Menjëherë Policia ka ndaluar shtetasin me inicialet Z.Gj dhe ka sekuestruar sasinë e eurove, si dhe mjetin tip Audi me të cilin ai udhëtonte. Dyshohet se këto para rrjedhin nga aktiviteti kriminal.
Materialet i kaluan Prokurorisë Lushnjes për veprën penale “Pastrimi i produktit të veprës penale ose veprimtarisë kriminale”, ndërsa vijon puna për për dokumentimin ligjor në lidhje me burimin e të ardhurave të këtij shtetasi.
Lushnjë
Kontrolle të shtuara nga Policia në akset rrugore me qëllim goditjen e veprimtarive kriminale.
Sekuestrohen 54.700 euro dhe 1 automjet, të dyshuara të përfituara nga aktivitet i kundërligjshëm.
Procedohet penalisht poseduesi i tyre për veprën penale “Pastrimi i produktit të veprës penale ose veprimtarisë kriminale”.
Në kuadër të masave të marra për mbajtjen nën kontroll të situatës së rendit në qarkun e Fierit, janë shtuar kontrollet në akset rrugore si edhe në vendet që frekuentohen nga persona me precedent kriminal.
Si rezultat i kontrolleve, nga shërbimet e patrullës së Komisariatit të Policisë Lushnjë, në vendin e quajtur “Rotondo e Plygut”, u ndalua mjeti tip “Audi” me drejtues shtetasin Z. Gj.
Gjatë kontrollit, në automjetin e këtij shtetasi u gjetën 54.700 euro të cilat dyshohen se janë përfituar nga aktivitet i kundërligjshëm.
Në vijim të veprimeve hetimore, specialistët për Hetimin e Krimit Ekonomik e Financiar në DVP Fier, proceduan penalisht shtetasin:
Z. Gj., 28 vjeç, banues në Laç.
Në cilësinë e provës materiale u sekuestrua shuma e eurove dhe automjeti me të cilën udhëtonte ky shtetas.
Vijon puna për dokumentimin ligjor në lidhje me burimin e të ardhurave të këtij shtetasi.
Materialet i kaluan Prokurorisë pranë Gjykatës së Shkallës së Parë Lushnjë për veprën penale “Pastrimi i produktit të veprës penale ose veprimtarisë kriminale”.
la.mi/Fjala.al
