Do të keni një mik për kokë
Me plot gojën ju themi se një Luan është një mik ku mund të mbështeteni. Pavarësisht se mund t’ju lërë të veproni sipas kokës suaj, të gaboni dhe të abuzoni me mirësinë e tij, do t’ju mirëpresë gjithnjë në shtëpi, por kujtoni që mund t’ju kthehet edhe në një armik për kokë. Askush nuk është në gjendje të përballojë një grindje me një Luan. Mbani mend që nuk harrojnë kurrë.
Bëjnë shumë dhurata
Luanët janë shumë bujarë kur vjen puna tek dhuratat dhe sikur të mos mjaftonte, gjejnë përherë më të veçantat. Koha me ta = koha më e mirë e mundshme!
Nëse doni pak spontanitet, argëtim, flirtim në jetën tuaj, besojmë se e dini vendin ku duhet të drejtoheni. Festa nuk fillon pa ardhur mbreti.
Luanët e çmojnë shumë familjen.
Udhëheqësit krenarë bëjnë të pamundurën që familja të jetë e sigurt dhe askush të mos i shqetësojë. Në fakt, askush nuk do të donte të përballej me acarimin e tyre.
Një Luan nuk harrohet kurrë
Ata kanë vetëbesim, janë tërheqës, pasionantë dhe shfaqin pikëpamje të pandryshueshme për jetën. Edhe pse ndonjëherë mund të ndiheni të lodhur apo dëshpëruar nga mendimet e tyre të prera, një partner i shenjës së Luanit zor se do të harrohej.
Nëse këto nuk mjaftojnë, ja disa karakteristika të tjera që i bëjnë Luanët akoma më të mrekullueshëm: të drejtpërdrejtë, krenarë, besnikë, vishen mirë, të besueshëm, miqësorë, argëtues, mendjemprehtë. Ka.Li/fjala.al
