Pas përfundimit të mbledhjes së Këshillit Politik, deputetja e opozitës Rudina Hajdari ka deklaruar për mediat se opozita parlamentare kërkon një sistem me 100 % lista të hapura dhe jo 1/3 të jetë e mbyllur.
Ajo deklaroi se këtij synimi do t’i shkojë deri në fund.
‘’Opozita parlamentare erdhi pas një konferencë të kryetarëve për të futur nesër në seancë marrëveshjen e 5 qershorit. Treguam dakordësi. Patëm debat pasi e kuptuam se e kemi të qartë se përse jemi në këtë tryezë. Edhe sot ky debat nuk ka mbaruar. Duam listat e hapura 100%. Në këtë mënyrë duhet patjetër që opozita parlamentare që kanë mbështetur parimin, duhet që listat të hapen 100%, dhe jo 1/3 të jetë e mbyllur. Ta kenë në dorë partitë nëse duan apo jo të mbyllen, por kandidatët duhet të dalin me ide dhe emra, dhe jo të zgjidhen nga kryetarët, por nga populli. E synojmë dhe do t’i shkojmë deri në fund.’’- tha Hajdari.
/En.Br./Fjala.al
