Policia e Shtetit ka dhënë detaje të reja për operacionin ndërkombëtar antidrogë mes Policisë së Shtetit dhe policisë Italiane. Operacioni me emrin ‘Riviera’ është zhvilluar në të njëjtën kohë në Itali e Shqipëri dhe ka çuar në arrestimin e 16 personave, nga këta 14 në Itali dhe 2 në Shqipëri.
Operacioni ka nisur që në vitin 2018, për goditjen e grupeve kriminale që merreshin me trafikimin ndërkombëtar të lëndëve narkotike dhe armëmbajtjen pa leje.
Në kuadër të këtij operacioni, në orët e para të mëngjesit, si rezultat i bashkëpunimit mes ZQK INTERPOL Tirana, Departamentit të Policisë Kriminale në PSH, DVP Tiranë dhe Zyrës së Oficerëve Ndërlidhës në Romë e Bari dhe në ambasadën italiane (misioni INTERFORZA), u zhvillua operacioni policor i koduar “Riviera”.
Policia e Shtetit jep detaje për operacionin ndërkombëtar antidrogë mes Policisë së Shtetit dhe Policisë italiane, për goditjen e veprimtarisë kriminale në fushën e narkotikëve.
Operacioni “Riviera”, i iniciuar nga Prokuroria Rajonale Antimafia në Bolonja, në bashkëpunim me Grupin e Operacioneve Speciale (ROS) të Karabinierisë në Bolonja, Itali, pati si qëllim goditjen e një grupi të organizuar kriminal, të përbërë kryesisht nga shtetas shqiptarë, me aktivitet trafikimin e narkotikëve në rajonin Emilia Romagna, Itali.
Në zbatim të urdhër-arresteve të lëshuara nga zyra e Prokurorisë Antimafia në Bolonja dhe si rezultat i veprimeve policore të mirëkoordinuara mes palëve, u arrestuan në vendin tonë, me qellim ekstradimi drejt Italisë, shtetasit shqiptar Elison Hysenbelli (H. D. alias E. D.), 40 vjeç, banues në Bathore, Tiranë, Jurgen Duka (Mëziri), 38 vjeç, banues në Kamzë, Tiranë.
Janë duke vazhduar veprimet hetimore për dokumentimin e plotë të veprimtarisë së paligjshme të këtij grupi të strukturuar kriminal. Ka.Li/fjala.al
