Një aksident i rëndë automobilistik është regjistruar mbrëmjen e sotme në autostradën Lezhë-Shkodër.
Mësohet se tre automjete janë përplasur me njëra-tjetrën dhe për pasojë kanë mbetur të plagosur katër persona. Aksidenti ka ndodhur në vendin e quajtur Mabe.
Të plagosurit janë dërguar për në spitalin rajonal të Lezhës, ku mësohet se dy prej tyre ndodhen në gjendje të rëndë.
Grupi hetimor ka mbërritur në vendngjarje dhe po kryen verifikimet mbi shkaqet e këtij aksidenti.
/En.Br./Fjala.al
