Një punonjës i policisë , pjesë e Operacionit Forca e Ligjit është vënë në pranga nga kolegët e tij të SHÇBA-së.
Punonjësi i policisë është arrestuar pasi dyshohet se ka kryer veprën penale të korrupsionit.
Bëhet fjalë për Specialistin e Krimeve në Komisiariatin e Mirditës, 29-vjeçarin me inciale Th.Z. Ky i fundit ishte arrestuar gjatë operacionit “Pyjet e Dibrës” dhe Gjykata e rrethit kishte caktuar për të “Arrest me burg”. Dyshohet se 29-vjeçari ka konsumuar veprën penale të shpërdorimit të detyrës.
Gjithashtu është shpallur në kërkim edhe B.L. nga Fushë-Bulqiza, i cili akuzohet për “Falsifikim Dokumetash” dhe “Prerje e paligjshme pyjesh”.
Postimi i plotë
IBËR – SHÇBA ARRESTON 1 PUNONJËS POLICIE DHE SHPALL NË KËRKIM NJË SHTETAS, PËR PRERJE E DËMTIM TË PYJEVE. Drejtoria Rajonale e SHÇBA Dibër, në bashkëpunim me Prokurorinë e Rrethit Gjyqësor Dibër, në kuadër të një procedimi penal, finalizoi operacionin e koduar “Pyjet e Dibrës”. SHÇBA ekzekutoi vendimin penal të Gjykatës së Rrethit Gjyqësor Dibër, që vendosi masën e sigurimit personal “Arrest me burg”, për oficerin e Policisë Th.Z., me detyrë Specialist për Hetimin e Krimeve në Komisariatin e Policisë Mirditë, (në kohën e procedimit). Ai dyshohet për kryerjen e veprës penale të ‘’Shpërdorimit të detyrës’’. Gjithashtu u shpall në kërkim shtetasi B.L., nga Fushë Bulqiza, si i dyshuar për kryerjen e veprave penale “’Falsifikim i dokumenteve’’ dhe “Prerje e paligjshme e pyjeve”. Pas disa muaj hetimesh me metoda speciale u dokumentua me prova ligjore, veprimtaria e kundërligjshme e subjekteve, të cilët në bashkëpunim me njëri-tjetrin kanë konsumuar veprat penale. Mekanizmi i aktivitetit kriminal dyshohet se nis me prerjen e drurëve, transportin, magazinimin e më pas transportin e tyre për shitje për djegie, në Bulqizë, Mat, Peshkopi, Kurbinit, Fushë-Krujë e Lezhë. Pjesë e tregtimit të paligjshëm ishte dhe një minierë, që furnizohej me trupa e shtylla druri që shërbenin për procese të aktivitetit të saj. Hetimet vijojnë dhe materialet iu kaluan Prokurorisë pranë Gjykatës së Shkallës së Parë, Dibër.#08009090SHÇBA./ Ka.Li/fjala.al
