Koronavirusi ka prekur edhe kombëtaren shqiptare të futbollit. Portieri i Under-21, Andrea Hoxha ka rezultuar pozitiv në testin që i është bërë për virusin vdekjeprurës.
Gardiani që aktivizohet me Vilengen në ligën e pestë të futbollit gjerman, tregoi se ditën e dielën kishte kryer testin.
Përmes një postimi në ‘Instagram” ai bëri publik këtë lajm, ku shprehet se është prekur nga Covid-19, por gjendja e tij shëndetësore është shumë e mirë.
“Përshëndetje! Të dielën kam bërë testin për COVID-19 dhe kam rezultuar pozitiv. Për momentin jam shumë mirë dhe simptomat nuk po më bëjnë keq. Në bashkëpunim me ekipin e futbollit, ekipin shëndetësor dhe menaxherin tim, po ndjekim të gjitha rregullat, në mënyrë që të mos përhapet virusi. Rrini të qetë dhe shëndoshë. I juaji Andrea Hoxha.”,-shprehet portieri.
Ndërkohë duhet theksuar se janë të shumtë personazhet e futbollit që janë infektuar nga koronavirusi.ka.ta/Fjala.al/
