Ambasadorja e ShBA-së në Tiranë, Yuri Kim ka reaguar pas miratimit në Kuvend të marrëveshjes së 5 qershorit për kodin e ri zgjedhor, duke u shprehur se tashmë ajo është ligj.
Në një postim në rrjetet sociale, diplomatja amerikane se i vjen mirë që Këshilli Politik do të rimblidhet për të rishikuar ndryshime të tjera përveç asaj që dakordësuan në atë marrëveshje, duke iu bërë thirrje palëve që të marrin pjesë dhe të jenë transparentë.
“Marrëveshja e 5 qershorit është tani ligj. Përfshirja dhe transparenca duhet të jenë norma për veprime të rëndësishme kombëtare. Më vjen mirë që shoh se Këshilli Politik do të rimblidhet për të rishikuar ndryshime të tjera përveç 5 qershorit. Të gjitha palët duhet të marrin pjesë në mirëbesim dhe të vazhdojnë përfshirjen dhe transparencën.” shkruan Yuri Kim.
/En.Br./Fjala.al
