Ambasadorja amerikane, Yuri Kim ka qënë e ftuar ditën e sotme në Lagunën e Kune-Vain të Lezhës nga ministri i Mjedisit dhe Turizimit Blendi Klosi.
Në fjalën e saj Kim ka theksuar se ky është një vit shumë i rëndëshishëm për turizmin në Shqipëri pasi SHBA ka ndihmuar me 1.8 milion dollarë për këtë sektor.
Ndërkohë që ka apeluar lidhur me mbrojtjen e mjedisit në Shqipëri e cila duhet të fillojë nga mbledhja e mbeturinave individuale pasi është përgjegjshmëri , por mbledhja e mbeturinave të tjetrit është zgjuarsi dhe zgjidhje e problemit ka theksuar ambasadorja.
”Ju falenderoj që më keni ftuar. Është kënaqësi. Dëgjova prej ministrit që jeni vullnetarët që prisni turistët në Shqipëri dhe ofroni përshëndetjet tuaja.
Ky është vit i veçantë prej pandemisë jam e kënaqur si keni bërë përshtatjen në bazë të situatës. Keni gjetur një tjetër rrugë për të vijuar projektin. Kam qenë këtu për 6 muaj dhe kam patur mundësinë të vizitoj shumë zona të bukura. Kam qenë në Berat, Vlorë, Sarandë, pak në Krujë. Por jam e lumtur të jem këtu dhe e kënaqur që të dëshmoj bukurinë natyrorë të Shqipërisë. Nuk është bukuri vetëm për SHqipërinë po gjithë botën, dhe mezi pres të behet një thesar.
Mbrojtja e mjedisit fillon me pastrimin e tij. Jam e kënaqur që nuk jemi përgjegjës vetëm për mbeturinat por edhe për pastrimin e mbeturinave të të tjerëve. Kur mbledh mbeturinat që krijoj është përgjegjshmëri. Por nëse mbledh mbeturinat e të tjerëve pasi dua zgjidhje të problemit është akt inteligjence, zgjuarsi por edhe zgjidhje të tij. SHBA kanë dhënë ndihma rreth 1.8 milionë dollarë që kanë ndihmuar industrinë e turizmit, veçanërisht për mjedisin. SHBA janë me ju. Pres me kënaqësi të përveshim mëngët me ju që jeni këtu, që jepni zgjidhje dhe duan të pastrojnë Shqipërinë.”- tha Kim. /Ra.My.Fjala.al/
