Ish-deputetja Mimoza Hajdarmataj përmes një postimi në Facebook ka kritikuar ministren e Shtetit për Marrëdhëniet me Parlamentin Elisa Spiropali. Ajo e akuzon Spiropalin për qëndrime seksiste, pasi kjo e fundit në seancën parlamentare kishte përdorur frazën: “Diplomatët s’janë gra që ulen tavolinave e joshen me uiski”.
“Çfarë mund të flitet më për të drejta pas kësaj mendësie nga një funksionare e lartë, pseudoperendimore?” shton më tej Hajdarmataj.
Statusi i plotë
Gratë nuk janë gjini e joshjes me alkol!
Keqardhje kur qëndrime të tilla seksiste vijnë hapur, në mes të ditës dhe në Parlament, nga një ministre grua.
Çfarë mund të flitet më për të drejta pas kësaj mendësie nga një funksionare e lartë, pseudoperendimore?
Znj Ministre e Shtetit!
Ky nuk është kurrsesi shteti që duam ne gratë, nënat dhe bijat shqiptare!/Fjala.al/Ke.Ba
