Pedagogu Erion Kristo ka reaguar nëpërmjet një postimi në ‘Facebook’ lidhur me miratimin e listave të hapura.
Kristo ka përgëzuar kreun e PD-së për mbështetjen që i bëri listave të hapura pasi me këtë veprim të Bashës opozita nuk do të sulmohet më nga ata që ka pranë.
Ndër të tjera ai ka shkruar se “Listat e hapura” janë mendimi i parë i ardhur nga jashtë sistemit që është përqafuar nga të gjithë dhe kjo sipas tij është vlerë për ata që përqafojnë më të mirën.
Positimi i plotë i Erion Kristos
“Dje zoti Basha në emër të opozitës së bashkuar mbështeti listat e hapura. Unë do ta përgëzoj opozitën. Jo thjesht për miratimin, por sepse tashmë shumë njerëz pranë opozitës nuk do kenë më për çfarë të sulmojnë. Opozita i dha vlerë garës. Brenda kufijve të së pranueshmes. Jam krenar që u shpreha në mbrojtje të listave. Madje dua të besoj se zëri im u dëgjua kur shkrova dje. Kjo është vlerë për ata që përqafojnë më të mirën. Të gjitha palët thirrën fitore, por fitoi populli diçka: një instrument të vogël të shprehjes së pakënaqësisë. Jam krenar që iu bashkova Nismës Thurje për Kartën 2020. Ishte një përpjekje për t’u dhënë njerëzve pak më shumë demokraci. Është rasti i parë, në gjykimin tim, që një ide e ardhur nga jashtë sistemit, të ngjisë. Prandaj i uroj ata që punuan fort anekënd Shqipërisë dhe ata që na mbështetën. Natyrisht lufta nuk përfundon këtu. Ka me dhjetëra gjëra që mund të bëhen. Rrugën e dimë.” /Ra.My. Fjala.al/
