Kryeministri i vendit, Edi Rama së bashku me ministrin Arben Ahmetaj ka inspektuar sot punimet në shkollën “Llesh Nik Daka” në Lezhë, e cila u dëmtua nga tërmeti i 26 nëntorit.
Pasi u njoh nga afër me punimet në kantier, kreu i qeverisë nuk nguroi që të jepte direktivat e tij inxhinierëve në terren, duke iu kujtuar dhe afatin se shkolla duhet të jetë gati në 26 nëntor.
Rama ia bëri atyre të qartë se nëse nuk përfundojnë punimet brenda këtij afati, kompania do të futet në ‘listën e zezë’.
Pjesë nga biseda e Ramës në kantier
Rama: Paska goxha terren.
Ahemtaj: Në gati 3 ditë kemi kaluar në katet e dyta.
Rama: Kolonat janë futur 7 metra nën dhe
Ahmetaj: Po, 7 metra
Rama: Super punë është bërë
Inxhinieri: Në fund të dhjetorit do përfundojë shkolla
Rama: Në fund të dhjetorit futeni në listën e zezë. Dua që në 26 nëntor të hapet dera e shkollës
Ahmetaj: Të punoni me 3 turne
Rama: Me 3-4 turne, s’ka ç’më duhet. Në 26 nëntor dua shkollën. Po s’u bë kjo, ju futeni në listën e zezë. Na pengoi shumë ajo periudha e dreq karantinës, por do ta kapim 26 nëntorin.
Ka.Li/fjala.al
